Mourinho na Hazard watwaa tuzo za Meneja na mchezaji bora wa Mwaka wa ligi kuu ya Uingereza.

Mkufunzi wa klabu ya Chelsea Jose Mourinho ametangazwa kuwa mkufunzi bora katika ligi kuu ya Uingereza kwa mara ya tatu.

Akihudumia kipindi chake cha pili katika klabu hiyo, meneja huyo mwenye maneno mengi kutoka Ureno (52) aliiongoza Chelsea kubeba taji lao la kwanza la ligi ya Uingereza katika kipindi cha miaka mitano pamoja na kombe la Ligi.

Kiungo wa Chelsea Eden Hazard ambaye aliifungia Chelsea mabao 20 alitangazwa kuwa mchezaji bora wa ligi hiyo ya Uingereza msimu huu.