FA wamuacha mdomo wazi Arsene Wenger

Kocha wa Arsenal, Mfaransa Arsene Wenger ameshangazwa na namna chama cha soka England, FA kilivyopanga ratiba ambapo mechi kubwa ya ligi kuu kati ya Chelsea na Manchester United itayochezwa keshokutwa itatofautiana kwa dakika kumi na mechi ya nusu fainali ya kombe la FA.

Reading na Arsenal zitachuana katika mechi ya nusu fainali ya kombe la FA jumamosi majira ya saa moja dakika ishirini kwa saa za Africa mashariki na dakika kumi baadaye itaanza mechi kubwa ya ligi kuu baina ya Chelsea na Manchester United uwanja wa Stamford Bridge.

Wenger amesema mechi ya ligi kuu ni kubwa kwa Chelsea na kama watapoteza mbio za ubingwa zitakuwa wazi, lakini wangependa kuona mechi yao inakuwa ya kipekee kwasababu ni nusu fainali, hivyo isingeingiliana na mashindano mengine.

Wakati huo huo Mfaransa huyo amekanusha taarifa za Jurgen Klopp kuchukua nafasi yake Emirates akidai ni uzushi unaopaswa kupuuzwa kwani bado ana mipango na timu yake.