Mashuti ya Stars yawapagawisha mashabiki Mwanza

Wachezaji wa timu ya Taifa wakifanya mazoezi kwenye uwanja wa CCM Kirumba,Mwanza kujiaandaa na mechi ya kirafiki dhidi ya Malawi keshokutwa jumapili. 

MASHUTI ya washambuliaji wa Timu ya Taifa ya Tanzania ‘Taifa Stars’ yaliyopigwa juzi Jumatano kwenye mazoezi ya timu hiyo yanayoendelea katika Uwanja wa CCM Kirumba yamewapagawisha mashabiki wa wa soka wa jijini hapa.

Mashabiki hao waliofika uwanjani hapo walijikuta wakisema wazi kwamba kama mashuti hayo yatatumika kwenye pambano la Jumapili dhidi ya Malawi, basi Stars itashinda mabao mengi.

Taifa Stars inafanya mazoezi jijini hapa na juzi Jumatano walitumia muda mwingi kupiga mashuti langoni na kuwafanya makipa Aishi Manula na Mwadin Ally kuipata freshi.

Mastraika Mbwana Samatta, Thomas Ulimwengu, John Bocco walikuwa mwiba mkali kwa makipa hao kutokana na mashuti makali yaliyokuwa yakilenga goli huku makipa hao wakijitahidi kuyapangua.